Nasan Ka Na Boy (Kailan Edition)

“Sabi mo tara dun tayo,

nagtatanong kung sinu-sino,

nakumpleto na bakit wala ka pa,

Lumalalim ang gabi,

may baso’t bote na sa tabi,

kami yung kasabayan mo, hindi na ba ?

Nasan ka na ba, anong nangyari sa’yo,
kilala mo pa ba yung kinakausap mo,

sana nandito pa kami hangga’t nandyan ka pa,
kung kailan nandito kami, parang wala ka na,

Wala ng laman, hilo nanaman,

hanggang kailan ba tayo ganyan,

kung kailan pwede tsaka nawalan ng diskarte,

wala na bang magawa kaya wala ka ng masabi ?

Ok lang may next time pa naman,
ipagdasal na lang nating mangyari at kung kailan,

wag kang mag alala, hindi naman talaga,

mag abang ka na lang ulit ng mga susunod na kanta,

Nasan ka na ba, anong nangyari sa’yo,
kilala mo pa ba yung kinakausap mo,

sana nandito pa kami hangga’t nandyan ka pa,
kung kailan nandito kami, parang wala ka na..”

Mariang Magiliw

“Si Mariang Magiliw, maganda at masiyahin,

sa bilog ng kaibigan, wala siyang pipiliin,

hangga’t magaan sa damdamin, maingay niyang kakausapin,

hindi lubos isipin, maraming sasabihin,

Si Mariang Magiliw, minsan walang kyeme gumalaw,

pero ikatutuwa mo ang kanyang pagka gaslaw,

pakikitungong matamis na medyo hilaw,

walang ibang titikim kundi ikaw,

O kay gandang pagmasdan,

ang taglay mong kagandahan,

pagbigyan ang aking sasabihin,

sa’yo na lang ako, ikaw na lang sa’kin,

Si Mariang Magiliw hindi maintindihan,

gusto mong angkinin pero ika’y mag aalangan,

hindi lang ikaw ang pwedeng tumingin,

kung anong nakukuha mo, sa iba’y ganun din,

Si Mariang Magiliw kailan kaya,

makikita sa’kin ang nakikita ko sa kanya,

kay lapit para pagmasdan,

kay layo para mahagkan,

O kay gandang pagmasdan,

ang taglay mong kagandahan,

kailan mararanasan,

magiliw na pagmamahalan..”

♥ ♥ ♥
♥ ♥ ♥ ♥ ♥