Meron Akong "Kaibigan"

“Meron akong “kaibigan”,

pang babae ang pangalan,

may ugaling lumalaban,

ang kakampi magiging kalaban,

Pursigidong pag-iisip,

ipinapasok kahit pilit,

matayog ang pananaw,

hangga’t di siya umaayaw,

Sasamahan ka, dadamayan ka,

yun eh kung may gamit ka,

sabik na sabik siyang manalo,

di naman magawang pumalo,

At sa kalagitnaan ng bunuan,

kapag nakita kang duguan,

at matamlay ang katawan,

iiwan ka na nyan,

Ganun lang kadali para sa kanya,

anong masasabi mo, ngayon alam mo na,

karamay ka kung natutulungan mo siya,

basahan ka kung di mo nasunod ang gusto niya,

Madalas kanta ang naririnig mo,

at iba ang pagka intindi nito,

pero iba sa pagkakataong ito,

ang kahulugan ng ‘pusong bato’,

Meron akong “kaibigan”,

‘wag mo sanang tularan,

may ugaling kapangitan,

ang kakampi magiging kalaban..”