Iana

“Iana, nasa’n ka, sa’n ka ba pumupunta,

wag kang aalis, di ka pa nagbibihis,

dito ka lang, wag kang malikot Iana,

baka mawala ka, wag naman sana,

maaga pa naman dito muna tayo,

laro muna tayo, kasama rin si tito,

Si Iana ay makulit,

puro tanong, puro bakit,

puro hiyaw, puro sigaw,

walang ibang kukulitin kundi ikaw,

Iana matagal din tayong hindi nagkita,

sabik na ‘ko sa mga ngiti mong hindi ko nakita,

Iana, wag kang mainip darating ako,

ikaw ang maglalaro ng saya at lungkot ko,

Si Iana ay kyut at mabait,

minamahal namin, nakakatuwang maliit,

masayahin, mapagmahal, mapaglaro,

nagbibigay kulay sa tadhanang nagbibiro,

Iana nasa’n ka, sa’n ka ba pumupunta,

hindi ka na raw namin makikita,

sabi ko sa’yo wag kang aalis,

Iana sobra ka naming mamimis,

dyan ka lang, wag kang malikot Iana,

kung may mga pagkakataon pa sana,

huli na ang lahat magkahiwalay na tayo,

wala nang laro, paano na ‘ko..”

Helow, Gudbay

“May panahong dumating na ika’y malungkot,

parang nag iisa, ang noo ay kunot,

naghahanap ng makakasama,

karamay sa hirap at ginhawa,

Ngayon eto’t may dumating,

ikaw naman ‘tong medyo praning,

dahil sa wakas natagpuan mo na sya,

pero yun ang iyong inaakala,

Kakilala, kausap, kachat, kabiruan,

may tawanan pa’t konting harutan,

masaya naman ang mga panahong ‘yon,

hanggang mawala ang komunikasyon,

May dahilan siya, may dahilan ka,

may dahilan kayong dalawa,

di mo naman sinasadya talaga,

pero ganun ang kinalabasan, nakakapagtaka,

Lumipas ang mga araw at mga buwan,

pero hindi ang iyong nararamdaman,

ganun pa rin ang tibok na matamis,

kahit sobra mo na syang namimiss,

“Kamusta na kaya siya,

naaalala nya pa kaya ako,

alam nya kayang nakapag move on na ‘ko,

di na siguro importanteng malaman niya,

ano nga naman ba ako sa buhay niya..”

Nakakalungkot minsan isipin,

na ang mga dumarating ay lilisan din,

wag ka lang makaramdam ng buong puso,

dahil kung sino’ng gumawa, siya ang talo,

Wag mong kalimutan kaibigan,

na walang permanenteng sandalan,

kundi dapat may matutunan

sa mga naranasan,

Ang mahalaga ay kung ano ka pa rin,

anuman at sinuman ang palampasin,

dahil ang natatangi mong kakampi,

walang iba kundi sarili..”

Meron Akong Crush

“Meron akong crush, syempre maganda,

maganda kung sa’kin sya mapupunta,

okay naman, nagkakausap kami, nagtatawanan,

pero walang malalim na pinag uusapan,

Tinginan, ngitian, mga ganon,

paulit-ulit lang, kasi torpe pa ‘ko no’n,

minsan binibiro ko siya, tinatawanan nya ‘ko,

at unti-unting tumibok ang aking puso,

Pundasyon talaga ang pagkakaibigan,

islash, pagkukulitan,

tsaka yung tinatawag nilang “constant communication”,

kaya lagot ka pag nawala ‘yon,

Dumadaan ang mga araw at nakatambay lang ako,

sa damdamin kong di malaman kung totoo,

nililigawan ko na sya sa aking mga panaginip,

pero nasa realidad kami, di ko naisip,

Sabi niya, ayaw nya munang magka syota,

repa ako’y naniwala,

yun pala, echos nya lang ang tema,

kulang nalang ay bigti na,

Tapos isang araw nakasalubong ko sya may kasamang lalaki,

malagkit ang pagkakadikit, kinabahan ako ng konti,

hindi naman ako *&%$#@ tulad ng iba,

kaya naramdaman ko na kung anong meron sila,

Masasaktan ka daw kung nag assume o expect ka,

masasaktan ka daw kasi mahal mo siya,

ngayon pare ikaw na’ng mamili kung alin dyan sa dalawa,

Hihinga ka nalang ng malalim hanggang malunod ka,

sa sakit ng mga love songs na pinatugtog mo pa,

may mga pampa lubag loob na kanta,

may mga gawain namang kailangan mo pang tapusin t*nga,

Sasabihin mo na lang sa sarili mo na marami pa dyang iba,

na baka sila ang naka tadhana sa isa’t isa,

na baka maghiwalay rin sila pag nagkataon,

na baka maging kayo pa rin sa takdang panahon..”

"Masarap Maging Single"

“Wag kang mag marunong,

hindi mo madidiktahan kung kailan titibok ang puso,

guro man o propesor,

sasablay ka pa rin kahit anong gawin mong pagturo,

Naaalala mo pa ba yung matalino mong kaklase,

oo nga matalino pero wala namang diskarte,

akala mo kung sinong Maria Clara,

tapos bigla kang imbitado sa binyag ng anak niya,

Minsan sasakay ka ng bus,

at may mag syota sa’yong harapan,

tapos may love songs kang pinapakinggan,

titibok ang iyong puso; pwedeng masakit,

naaasar, naiinggit o kaya ay mapait,

Hindi ka maiinspire, kasi naiisip mo:

bakit ba kasi hindi ako crush ng crush ko,

kami sana yan, naglalambingan,

at nakakahiyang pinagtitinginan,

Minsan sasakay ka ng jeep,

at may mag jowa kang kasabay,

magkayakap na, magkahawak pa’ng kamay,

tapos maiinis ka, maiinggit, dededmahin mo,

tapos iisipin mo na lang yung studies mo,

Pero hindi porket subsob ka sa pag-aaral

eh wala ka nang romantic love na mararamdaman,

kasi kahit bakasyon naman meron kang natututunan,

Hindi mo pwedeng dedmahin,

kasi kahit nga artista namamansin,

pwede mo namang idahilan yung prioritization,

pero pwede mo rin naman sigurong haluan ng inspiration,

Diba masaya yun,

habang nakasubsob o focused ka sa pag-aaral o kahit sa trabaho,

matamis pa rin ang dahilan ng biglaang pag ngiti mo,

yung bawat makasalubong mong lalaki, gusto mong apiran,

bawat makasalubong mong babae gusto mong halikan,

Kasi inspired ka,

wala namang course na ‘love’ kaya hindi mo kinakarir sa ngayon,

pero wag mong dedmahin dahil gagamitin mo yan sa takdang panahon,

Tigil ko na muna, kasi may pasok ka pa bukas..”